Syndir feðranna.

Úff sá Syndir feðranna í gær og var hreinlega sleginn yfir þessum andskota. Sem betur fer hafa tímarnir breyst og mennirnir með. Ekki það að svona andskotar sem þarna voru við stjórn séu ekki enn úti í samfélaginu heldur að þekkingin og aðferðafræðin gagnvart börnum hefur gerbreyst. Það að taka allt niður í 7 ára gamla gutta frá foreldrum sínum og senda á eins afskekktan stað og hægt er að finna er gjörsamlega óskiljanlegt. Hrafn Elísberg er að verða 6 ára!! Skil það og veit að tíðarandinn var allt annar og viðhorfið gagnvart "óþekkt" var annað. Sé samt ekkert sem réttlætir það að taka ung börn af heimilum sem voru að því er virtist eðlileg og góð heimili. Auðvitað voru heimilin og heimilisaðstæður oft mjög slæm og börnin áttu kannski ekki mikinn sjens á að fá heilbrigt uppeldi. En ekki skánaði það á Breiðuvík, það er á tandur. Sláandi að fjórðungur þeirra drengja sem þarna voru vistaðir eru látnir í dag!!! Formleg afsökunarbeiðni frá yfirvöldum kom núna fyrir ca 3 vikum!! Þessir menn eiga að fá bætur og þá aðhlynningu sem þeir þurfa. Eins og einn maður sagði í myndinni í gær: "Ríkið skuldar mér eitt stk. æfi". Áður en myndin var kláruð hafði sá maður fyrirfarið sér!! Þessir menn sem þarna voru vistaðir og þurftu að upplifa þetta allt eiga alla mína samúð!

Jæja þá er þessum samúðarpistli mínum lokið!!

Hafið það gott!!!

Athugasemdir

[Óskar 3.4.2009 kl. 09:18]

Já þetta var svakalegt.