Ég er hérna ennþá...

Sælar...

Er hér í dauðtygjum bloggsins. Var eiginlega ákveðinn að hætta þessu. Búinn að vera að blogga frá 2004. Þá var það Austurland að glettingi, sem síðar breyttist í Hjössi mæló!!

Svo fyrir slysni las ég stjörnuspá á mbl.is. Þá gat ég ekki annað en hugsað til bloggsins... En hún var e-ð á þessa leið:

Stjörnuspá

Tvíburar: Þú ert nú þegar fullur vonar. Og það sem þú lærir næsta sólarhringinn mun opna augu þín enn fremur fyrir möguleikunum í stöðunni. Kraftaverk geta gerst.

Sææælll þegar maður er farinn að lesa stjörnuspár og vonast eftir að e-ð gerist í framhaldinu þá þarf maður að fara að skoða hlutina í stærra samhengi. En til að gera langa sögu stutta þá er ég ekki búinn að selja Spóahöfðann og er með Kvíslartunguna á yfirdrætti sem á ættir að rekja til Satans sjálfs.

Annars er það að frétta að við fórum í útilegu um helgina og hún var frábær. Ég, Jón nokkur Nef og Jónsi Stebba renndum af stað í hádeginu á föstudaginn inn í Skaftafell. Þar var lagt í hann og Kristínartindar sigraðir.. Frábær gönguferð það. Við þrír gistum svo í litlu 2 manna göngutjaldi uppi á fjallinu og hallinn sem við sváfum í svipar mikið til fjárlagahallans sem er í gangi þessa daganna. Svo hittum við konur og börn á Klaustri og vorum þar í 3 nætur. Farið að veiða, farið í Jökulsárlón og meira og meira!!! Var ekki með myndavél í ferðinni en er að vinna í að fá myndirnar frá Jónunum tveimur og set þær inn fljótlega. Vel við hæfi að setja inn mynd úr símanum af þeim kumpánum.