Nei sælar...

Mikið er nú gott að vera kominn heim. Búinn að vera uppi á Fróðárheiði alla vikuna í veðri sem var hreinlega fáránlegt. Við erum að tala um svona 20m skyggni að meðaltali alla vikuna, rigningu sem ekki verður mæld í mm heldur lítrum og vindi sem Vestmannaeyingar væru stoltir af. Ja hérna hér!! Þeir bílar sem keyrðu framhjá og sáu mig allt í einu bregða fyrir öllum svartklæddum, með svarta húfu, með hettuna og svo 2m gps tækið í hendinni hafa væntanlega haldið að þarna væri dauðinn sjálfur standandi, maðurinn með ljáinn/gps tækið! Fauk nokkra metra í mestu kviðunum, sökk að lærum á mýrarsvæðunum og fleira í þessum dúr. Þrátt fyrir þessar lýsingar þá finnst mér alltaf gaman að komast út á land og vera svona mikið úti. Tók púlsinn á stórborgum eins og Ólafsvík, Hellissandi og Rifi. Blússandi menning þar. Rifjaði upp þegar við félagarnir fórum í strákaferð á Fróðá og við þurftum að fara seint um kvöldið aftur upp á heiði að finna Örn Viðar og John Dumbar sem voru á Skodanum hans Össa í kolvitlausu veðri um miðjan vetur. Öss stórkostleg stund þegar við fundum þá og dönsuðum á þakinu á skodanum!!!!

Mikið um að vera í dag, uppskeruhátíð Hunangstunglsins og ...... UMFA2 - ÍBV í bikarkeppni HSÍ. Þar verður Hjössi ásamt gömlum tuddum úr UMFA. Þetta eru menn eins og Ingimundur Helga, Palli Þórólfs, Keli Guðbrands, Siggi stálmús Sveins, Jón Andri og ekki má gleyma Bjarka Sig sjálfum! Össshh þetta gæti orðið skemmtilegur leikur!!

Gott að vera kominn í samband við netheima aftur!!

Hafið það gott um helgina!