Virkilega flott hugmynd.

Gaman að sjá að menn þori að hrista aðeins upp í fólki og láti vaða í Almannagjánna! Vekja fólk aðeins til umhugsunar um þennan fallega stað.

Skil það vel að margir vilja ekkert sjá annað en aðra Valhöll og halda í allar æskuminningarnar. Hótel Valhöll og risa bílastæðið þar fyrir framan var nú ekki neitt augnayndi. Húsið í ömurlegu ástandi og þetta bílastæði ljótt.

Get líka ímyndað mér að meistaraverkefni í arkitektúr verði nú aðeins að vera svolítið "poppað" og til þess fallið að fá viðbrögð hjá fólki. Sé ekki betur en viðbrögðin sé frekar neikvæð fyrir þá félaga, en mér finnst þetta hugað og virkilega flott. Finnst líka fólk stundum dálítið þröngsýnt og íhaldssamt!!

Vel gert...

Glæsihótel á Þingvöllum

Síðasta vaktin í Grænlandi í bili

Já það er alltaf gaman þegar það kemur að heimkomu. Er búinn að vera hérna í 2 vikur, rétt til að leysa af. Neita því ekki að það er alltaf smá skóli að vinna í nýjum aðstæðum. Er núna á síðustu næturvaktinni. Þegar henni lýkur kl 7 í fyrramálið þá hef ég ca 30 mín til að pakka. Þá verður lagt í hann á zodiaq bát yfir til Ilulissat. Eins gott að það verði almennilegt veður og ekki sjúklega kalt. Þetta verður því væntanlega frekar strembinn dagur og lítið sofið.

Það er alltaf gaman að vera að fara heim og það er engin undantekning núna. Reyni nú yfirleitt að finna eitthvað handa krökkunum en það verður víst erfitt í þetta skiptið. Flogið beint á Reykjavík sem er þægilegt en að sama skapi ekki hægt að redda sér með smá gjöfum í fríhöfninni!! Þau þurfa nú ekki alltaf að fá eitthvað?? Er það nokkuð?

Langar að benda ykkur á vefsíðu hjá manni sem vinnur hérna og heitir "Kiddi kafari". Þarna eru að finna virkilega flottar myndir héðan frá Grænlandi. Vildi að ég ætti almennilega myndavél og kynni að taka myndir!! Þær getið þið skoðað hér.

Noh.. Hlakka til að koma heim og knúsa krakka og konu!!!!

Over and out frá Grænlandi!!

hoa

Gaman á næturvakt??

Sit hérna inni á skrifstofu.. Er að bíða eftir að komast ofan í göng til að mæla. Næturvaktirnar geta verið ansi rólegar stundum. Gæti svo sem alveg verið duglegri.

Er búinn að eyða smá stund, enginn Ístaks maður að skoða þetta vonandi... að skoða gamalt blogg frá mér. Úff nokkrir kjánahrollar þar en margt mjög skemmtilegt. Gaman að skoða gamlar myndir og svei mér þá ef það yljar ekki, sérstaklega þegar maður er einn í útlöndum... Er búinn að vera of mikið einn í útlöndum, það er nú bara þannig.

 http://1.bp.blogspot.com/_mGweXuXsH8g/RguGypb9EvI/AAAAAAAAAA4/DGVW1saaX54/s1600-h/mars+101.jpg

http://photos1.blogger.com/img/284/2177/640/000_2394.jpg

 

En talandi um að vera of mikið í útlöndum, eftir að ég kem heim frá Grænlandi þá fæ ég smá tíma heima og held svo af stað aftur til Afríku. Núna er það Úganda sem skal heimsótt og sett út 1 skt. háspennulína.  En hlakka til að komast heim á miðvikudagskvöldi...  Hafði gaman að því að Ragnhildur spurði mig um daginn hvort ég gæti ekki farið í H&M fyrir hana hérna úti. Fyrir henni er H&M allstaðar í útlöndum.. En nei Ragnhildur mín ekki hérna í Paakitsoq.

Núna rétt í þessu voru þeir að sprengja niðrí göngum, þá hristist allt hér og skelfur...  Styttist í útsetningu í þeim göngum þá.

Jæja alltaf skal þetta vera sama steypan sem maður skrifar hérna...  :)

Hils hjem

 hoa

Vegna leiðinda....

... hef ég ákveðið að henda inn blogg færslu. Þeirri fyrstu í tæpt eitt og hálft ár.

Núna er ég staddur í Grænlandi, nánar tiltekið Pakistoq rétt við bæinn Ilulissat á vesturströnd Grænlands. Hérna er Ístak að byggja vatnsaflsvirkjun og hér starfa um 90 manns að ég held. Ca 70 á staðnum í einu. Meiri fróðleikur um verkið er að finna hér.

Landslagið hérna er mjög fallegt og ummerki jökla mjög greinileg. Ég neita því ekki að mér hefur nú leiðst frekar í þessum túr. Hápúnktur í gær þegar ég sá snæhéra uppi í fjalli. Hann var lengi að vappa í kringum mig og sennilega að spá hvern fjandan ég væri að gera þarna í hans landi. Hefði átt að vera duglegri að fara í labbitúra í stað þess að hanga inni á herbergi í tölvunni. Þar sem ég er búinn að fara marga hringi á netrúntinum mínum þá datt mér það í hug að skoða gamla bloggið mitt. Fannst þá alveg tilvalið að smella inn einni færslu. Ætla samt ekkert að auglýsa þetta og sennilega verður það bara Klara sæta sem les þetta.

Klukkan er núna rétt að verða 18 og ég fer á næturvakt eftir klukkutíma. Það er nú ekki til að auka á skemmtigildið. Það er mjög lítið um að vera á nóttinni. Nokkrar útsetningar inni í göngum. Reyni kannski að finna mér e-ð að gera. Hér er ekkert símasamband en möguleiki á að hringja heim í gegnum netið. Fyrir mann eins og mig er það agalegt. Mjög skrýtið að hafa ekki símann við höndina. Held samt að eitt stk fjármálastjóri Eflu verði ánægður með það.

En svei mér þá ef þessi færsla er ekki svipuð og þessi vinnutúr.. frekar boring...

Hérna er hægt að skoða myndir...

http://www.facebook.com/photo.php?pid=4829980&fbid=433881358010&id=648043010&ref=nf

 

Lesendur nær og fjær...

Það hefur verið lítið aktívitet á alnets Hjössa upp á síðkastið. Held að það sé réttast að fara í smá sumarfrí á meðan þessu Noregsverkefni stendur. Það mun lítið koma inn á síðuna nema þá kannski að henda inn tenglum á myndir sem við tökum. Set einhverjar myndir inn á Facebook og hendi þá kannski hingað inn tenglum til að skoða fyrir þá sem ekki eru með FB.

 Hafið það gott í sumar!!!

Hjössi

http://www.facebook.com/album.php?aid=74702&id=648043010&l=15b041c4ce

http://www.facebook.com/album.php?aid=70098&id=648043010&l=edb16be1e1

 

Norðurlandið

Erum stödd á Akureyri við fjölskyldan í handbolta/skíðaferð. Ragnhildur var að keppa í handbolta og við fórum bara líka með að horfa á. Þær stóðu sig ótrúlega vel og enduðu í 2 sæti. Ragnhildur var að setjann grimmt og minnir margt á pabba sinn þegar hún svífur inn úr horninu og setur hann uppi fjær.. 

Við ætluðum á skíði í dag, því nóg er af snjónum ennþá. En nei nei..  rudda vindur uppí fjalli og allt lokað í dag. Vona að veðrið verði skaplegra á morgun og hægt verði að skíða.

 

Fórum í gær í mat til Svanna (Svanlaugs) og svo kíktum við 2 félagarnir aðeins út á lífið.. Skelltum okkur m.a. á tónleika og vorum afar menningarlegir. Ræddum gömlu tímana og skemmtum okkur konunglega!!

Skoohhh

Fín helgi!

Já þó svo að kosningarnar fóru ekki alveg eins og við vildum þá var þetta aldeilis fín helgi. Reyndi að gera e-ð heima og byrjaði á að parketleggja!! Gekk fínt í byrjun þangað til að ég varð var við mikinn hæðarmun á gólfinu. Var búinn að negla parketið niður... Ákvað eftir samráð við mér vitrari menn að betra væri að líma helvítið niður (neglingin var samt ráðlögð af mér vitrari mönnum). Reif því allt upp  og er því á byrjunarreit aftur þar. En hengdi upp nokkur ljós, fékk Sævar með mér í lið og smiðað var handrið á svalirnar. Temporary handrið en geri samt ráð fyrir að það muni verða í dágóðan tíma!! Hurðin inn í þvottahús komin upp og nýjir húnar á útidyrahurðirnar.. Sæbbi rokk á heiðurinn að þetta var sett í framkvæmd! Handlaginn sá djöfull!!

Gleðilega hátíð!

Ég hreinlega elska kosningar!! Já elska þær. Ég er að spá í að klæða mig upp eins og gamla fólkið og fara í mitt fínasta. Mér finnst svo gaman að fara á kjörstað.. þríf auðvitað bílinn fyrst, skandall að mæta á skítugum bíl á kjörstað, hitta fullt af fólki og málin eru rædd. Væri líka til að fara í kosningakaffi en vandamálið er að ég veit ekki en hvaða kosningakaffi ég ætti að fara í!! Er skráður í Sjálfstæðisflokkinn en eins og áður sagði enn ekki ákveðinn. Er búinn að ákv. að ég mun ekki gefa upp hvað ég kaus! Ég ætla samt ekki að kjósa Samfylkinguna, V-græna, Frjálslynda eða Lýðræðishreyfinguna! Þar hafið þið það! Ragnar Reykás hvað...

Niðurstaða Könnuninnar segir meira en mörg orð um mína vini. Það er hægri slagsíða í vinahópnum og D listi fékk flest atkvæði og S-listi næstflest. Ég vona að allir nýti kosningarétt sinn og kjósi eftir eigin sannfæringu! Það er ekki hægt að kjósa vitlaust!!

Eigið þið góðan dag og munið að kjósa!

Kosninga-Hjössi!!

Kosningar og könnun.

Ný könnun hér til vinstri.  

Verð að viðurkenna að ég hef enn ekki gert upp hug minn fyrir kosningarnar næstu helgi. Búinn að útiloka nokkra flokka. Ætla ekki að segja hverjir þeir eru. Tók kosningaprófiðá mbl og fékk þessa niðurstöðu:

Flokkur   Samsvörun
 Lýðræðishreyfingin (P) 84%
 Framsóknarflokkur (B) 82%
 Samfylkingin (S) 79%
 Borgarahreyfingin (O) 76%
 Frjálslyndi flokkurinn (F) 74%
 Sjálfstæðisflokkur (D) 73%
 Vinstrihreyfingin - grænt framboð (V) 69%

Ætla þó að viðurkenna að ég ætla ekki að kjósa Lýðræðishreyfinguna.

Er svo ekki tilvalið að svara könnuninni hér til hliðar!!